مازوت

 

                                                                                                                        

هناك شعور عام حاليا في سوريا بالفرحة والسعادة شعور يصيب المواطنين أجمعين تناقلوه بغبطة

 

 

 ” أخدت قسائم المازوت؟  يسأل الأول …… ولو من زمان يجيب الثاني ”

 

المهم هذه الغبطة التي حلت على قلوب أخواننا المواطنين تكمن بسذاجة وكأن هذه القسائم التي توزعها الدولة 

أقول كأنها لألف لتر مجاني من المازوت ……

 

 

 يعني عنجد إنت شوف الابتسامة على وش شي موظف طالع من دايرتو ومعو الكبونات شي بيرفع الراس ولا كأنو جايب شي غنيمة عل البيت معو

 

 

المهم وبلا طولة سيرة ولمن لا يعرف من أخواننا المازوت عنا رح يغلى

والقسائم الي عم بنحكي عنها هي عن ألف لتر مخفض السعر سيتم توزيعها على كل عائلة ممثلة برب الأسرة

الأهم بالموضوع أنو سعر لتر المازوت حاليا هو حوالي سبع ليرات سورية وسعر المازوت المخفض الي المواطن مبسوط فيه وكأنو شي غنيمة هو بأفضل الحالات مو أقل من 12 ليرة سورية

 

هاد غير ارتفاع أسعار المازوت من سبع ليرات إلى 25-30 ليرة سورية بالمرحلة القادمة للي ما معو قسائم

 

باختصار البلد داخل على كارثة لارتباط المازوت بكافة قطاعات الإنتاج الزراعي والصناعي السوري

 

ومع هيدا لسا المواطن عنا فرحان بالقسائم شو بدنا نحنا فعلا متفائلين بس منجيب الجلطة لعدونا من كتر التفاؤل

خلونا هيك …. صراحة أحلى   

Advertisements
Explore posts in the same categories: اقتصاد

4 تعليقات في “مازوت”

  1. FaRaH M Says:

    بيقلولك لما تجي على سوريا بتشوف أغلب العالم عمتبتسم مع انو مافي شي بيخلي الواحد يبتسم …

    انا حاسة هالشي تغير بهالوقت الماضي شوي … بس بضل متل شغلة المازوت بتعطي ابتسامة جديدة

    يلا شو نعمل احسن من بلا !!

  2. Alloush Says:

    اقتصاديا رفع أسعار المحروقات أمر لا مفر منه، يعني بالمشرمحي عجز الميزانية في الاقتصاد سببه الدعم لمواد غير مدعومة عالمياً.

    اجتماعياً رفع الدعم رح يسبب اضطرابات اقتصادية على مدى 2 إلى 5 سنوات، بسبب ارتفاع كلفة المواد الأولية وبالتالي أي شيء متعلق بالمحروقات يعني رح تصير ارتفاعات ارتدادية مالها علاقة بالدعم، وإذا لم يتم توفير رقابة رح تكون النتيجة تضخم هائل.

    رأي النهائي: رفع الدعم سيحل مشكلة عجز الموازنة على المدى القصير لكن على المدى الطويل رح يرجع العجز مرة أخرى بسبب عدم مرونة أدوات الانتاج عنا، يعني المشكلة ليست بالدعم، المشكلة أننا اقتصاد نامي لا يمتلك صناعات، يعني شعب مستورد.

    رفع الدعم رح يرفع سعر السلع وبالتالي مع التضخم الحاصل رح تكون سلع سوريا كتير غالية، وهي رح يضعف التصدير، أما عن الداخل مافي داعي احكي.

    الله يحمي الطبقة الوسطى والمعدمة، لأنو فعلاً الجوع كافر.

  3. max13 Says:

    فرح
    ~~~
    والله عندنا الضحكة بالفطرة ومدري لشو ؟

    علوش
    ~~~~
    في كتير مصادر تانيه لدعم الميزانية السورية بس صراحة نحنا غافلينا في عنا موقعنا الاستراتيجي مثلا وامكانية الموانئ السورية في عنا تفعيل صناعات حساسة مو متل هالصناعات المخربة للطاقة والبيئة
    انت بتعرف فلندا ونوكيا شو عملوا وكيف صناعة حساسة متل الموبايل خلت آخر بلد باوربا متفوق عالعرب أجمعين اقتصاديا المشكلة عنا بصراحة بالروتين المميييييييت والتفكير الا وطني لدى البعض عنا اقتصادنا بدو هزة على مستوى المشرعيين الاقتصاديين
    والا مصير بلدنا لخراب والمشكلة فعلا انو مع حبي للبلد بحس انن ما نن عارفين ” اي الاقتصاديين ” انو بهيك سياسات هنن رح بيكونو اول المتضريين

  4. الساحرة الصغيرة Says:

    أعتقد أن الإبتسام والضحك بافطرة خير من الحزن و الأسى !
    كل حاجة أسعارها بترتفع نتيجة لأسعار البترول اللى فى إرتفاع دائم … و العيشة بتصير صعبة ….
    و البسيط مابيحملش هم بكرة قبل ما يحمل هم النهاردة …
    يعنى البسيط اللى أخذ قسائم المازوت أمن لنفسه يوم هيعيشه كويس … و لما بكرة يجيي ربك بيحلها …. هكذا يفكر .. فلما قد يبخلون على أنفسهم بإبتسامة صغيرة ؟!
    مشاكل اإقتصاد موجودة فى كل البلاد … امتى بتتحل … لا نعرف … كله بإذن الله


التعليقات مغلقة.


%d مدونون معجبون بهذه: