بحبوحه

ها هي تسعيرة المحروقات ترتفع

ومعها أساليب عيشنا

البارحة كان مأساويا تذكرة السفر كانت ب ثلاثين ليرة أول من أمس اليوم أمست بسبعين ليرة

هذا عن خط طرطوس اللاذقية أما عن خط دمشق طرطوس فأصبح على مائتي ليرة بدلا من مئة

طبعا وبما أن أول الغيث قطرة ذهبت لأتناول وجبة سريعة كوني لم آكل طوال الأمس في نفس المكان الذي تعودت عليه كوني أدرس ماجستير في اللاذقية لأفاجأ أن سعر الوجبة أصبح 250 ليرة علما أنه كان 140 ليرة سمعت رجلا يقول لصاحبة في المطعم إياه تصور أن البويجي زاد من أجرته من 20 ليرة إلى 40 ؟ وعند سؤاله عن السبب أجاب غلي المازوت ………

 

طبعا والشرح يطول لكني بصراحة متفائل كثيرا ورغم الصعوبات بالسلة المتكاملة التي يتحدثون عنها في حكومتنا والتي بدأت بزيادة الرواتب 25% وهي نسبة”  عظيمة ” يعني الي كان راتبو 8000 ليرة صار اليوم بيقبض عشرة آلاف شو بدنا لازم المواطن يفكر نتيجة هذه الزودة أنو يصمد كم ليرة كل شهر  بشان يطلع سياحة ع سويسرا “

 يا سيدي وحتى اللاذقية” بالصيف

 

 المهم إيماني العميق بحسن إدارة حكومتنا العظيمة هو الذي يجعلني كما شعبي كله

متشائل عفوا متفائل كتيييييير كتييييييييييير كتيييييييييييييييييييييييير   ويا لطيف …

Advertisements
Explore posts in the same categories: اقتصاد

5 تعليقات في “بحبوحه”


  1. يا لطيف شو أنا متفائل مثلك .. متفائل تفائل مو طبيعي لدرجة أني عم شجع على الهجرة للبنان .. يا أخي هنيك أكلين هوا وأكلينها
    خلص وصلوا لذروة أكل الهوا .. عذراً لفورة النفس التي أصابتني بعد التفائل المشؤوم

  2. علوش Says:

    ملاحظة: قالبك غير متوافق مع فايرفوكس، القالب يقوم بخلط التعليقات لتدوينات أخرى، أنصحك باختيار قالب آخر وتجريبه على فايرفوكس.
    ____________

    على فكرة اقتصادياً الزيادة رح تزيد الطين بلة، لأنو بعلم الاقتصاد التمويل بالعجز ناجح فقط عند وجود مرونة انتاجية للبلد، يعني مشلكتنا إنو مافي عرض يغطي الطلب، والزيادة يلي اجت رح تزيد الطلب فوق ما هو أصلاً زايد. ورح يؤدي لارتفاع أشد في الأسعار.

    يعني من خلال فهمي لدراستي، كان الوضع أحسن لولا الزيادة. أو بالأحرى لو تم توجيه الزيادة للقطاعات الانتاجية حتى تزيد انتاجها.


  3. والله بمصر رفعاوا الأجور 30% بس هاد مو حل, بالعكس هاد راح يزيد الطين بلة قريبا عند زيادة الطلب مع وجود قلة في الانتاج فترتفع الأسعار أكثر وأكثر..

  4. max13 Says:

    مستر بلوند
    ~~~~~~
    صحيح نحن متفائلين جدا يعني مثلا اليوم وبعد كتاية مدونتي هذه قررت أن أحبس نفسي في غرفة منعزلة ولأجل غير مسمى خوفا على تفاؤلي من الهروب اتمنى من كل متفائل مثلي أن يمارس عادته التفائلية في مكان بعيد عن الأضواء خوفا من العين

    علوش
    ~~~~
    والله يا ابو عليش بعرف كل هالنظريات مهي كمان بمجال دراستي لا بل أكثر بعرف شو الحل وكيفية تطبيقو بس المشكلة انو العالم بتفكر حالا بالزودة احسن من قبل مع انو لو ضل الرواتب على حالها واتخذوا عدة اجراءات لدعم القطاعات المنتجة فعلا بالبلد لكانت النتيجة أفضل على المديين القصير والطويل شرط يكون الدعم فعلي مو سرقه وبهدله

    رح ىخد بملاحظتك وبدل القالب

    أحمد نذير بكداش
    ~~~~~~~~
    اي رفع للرواتب رح بيكون كارثي النتائج لأنو مو كل المجتمع بيقبض رواتب أولا وارتفاع الرواتب بيرافقوا ارتفاع اسعار مضاعف وهون الكارثة


التعليقات مغلقة.


%d مدونون معجبون بهذه: