أن تتحدى مديرا …

لابد لي اليوم من تلاوة فعل الابتهاج

كيف لا وقد خرجت منتصرا

اليوم وكسابقه من أيام على امتداد الأسبوع الماضي كنت أساعد أمي في إكمال ما تبقى لها من أوراق أذن مغادرة الأراضي السورية لألمانيا بغرض الزيارة .

فأختي العزيزة ستنجب خلال أيام أول أولاد عائلتنا المتواضعة وسأصبح خالا .

المهم  ولأن الوالدة معلمة كان لا بد لها من الحصول على إذن مغادرة من مديرية التربية ….

ومن هنا تبدأ الرواية ..

طبعا لن أتكلم عن الروتين وحواجز الغباء الوظيفي الذي تعترضك ولحاجتنا للوقت كان لا بد لنا من تطنيش غالب ما اعترضنا .

والمطلوب مني اليوم هو الحصول للوالدة على إجازة شهر بلا راتب وباعتبارها مداومة في أمانة السر وليست على رأس عمل تعليمي فذلك ليس بالأمر الصعب

لكن على باب مدير التربية يقف حاجب .. يذكرك لوهلة بالمسلسلات السورية

” هناك اجتماع في الداخل ولا يمكن الدخول ” باختصار و إيجاز بت مشكلتي

 حاولت إيجاد حلول بديلة فتوجهت للمدير المساعد طبعا بكل سلاسة وبساطة أجابني توجه لمدير التربية ” يعني شو شغله مساعد مدير التربية “

 

 ربما نحتاج لدكتور في علم التوزيع والتمحيص لفهم كيفية توزيع وظائف الإدارات في الدولة ..

عدت وانتظرت مرت ساعة طبعا لا يمكنني أن أصف لكم معنى أن تكونوا في ليلة الحشر فكل المراجعين للمدير ينتظرون على الباب.

 

طبعا السيد المدير في الداخل … لحظة دخلت فتاة شابة جميلة … يعني هي مسموح وأنا لا سألت الحاجب … هي بيعرفا المدير أجاب الحاجب .

طبعا نحن واقفين ولسنا جالسين هنا وجب التوضيح لإصال الصورة كاملة .

خرجت الفتاة لتدخل فتاة أخرى قادمة من المريخ خرافية الجمال …. طبعا وللإيضاح الفتاتان المذكورتان لم تكونا على الانتظار معنا ولم تتوقفا على الباب ساعة ونصف حتى حين الغزوة ؟!!

طبعا وباعتباري مواطن عقلو ما بيحمل لم أجد نفسي

سوى عند المدير وهو يصرخ كيف بتفوت بلا أذن ؟؟؟

 

سؤال وجيه كان ردي عليه أسرع وأجرأ … لو ما ني أد هالدخلة ما بفوت أجبت لأعرفه بنفسي أنا الدكتور المحامي : فلان الفلاني . تبلكم .

ماذا تريد بصوت خافت أجاب فشرحت له القصة أجابني يا دكتور عندي اجتماع لا تآخذني

تبسمت وبهدوء أجبت ولا يهمك نظرت هنا وهناك لا يوجد سوى هذي الفتاة عن أي اجتماع يتكلم هذا المعتوه … هل يتكلم عن اجتماع قوى الطبيعة أم عن ماذا ؟

 

المهم وبلا طولة سيرة خرجت منتصرا من غزوتي  

ونظرت إلى البائسين المنتظرين خارجا كم كنت اتمنى أن أصرخ بهم ” ألم يحن لكم أن تثوروا يا دجاج ونعاج أمتي على كل مدير بائس كهذا ”

 طبعا هم كانوا ينظرون إلي كأني شي ابن وزير .

لكن لو أن أيا منهم حاول لكان وصل .

تقبلوا لهجتي العامية في سرد  ما حدث  ربما لم أجد لغة أبلغ من الحقيقة .

 

وشكرا لسماعها

 

Explore posts in the same categories: لعل وعسى

19 تعليق في “أن تتحدى مديرا …”


  1. يسعدني سماع ذلك.. يسعدني جدا..

    من الرائع أن يكون هناك من يدافع عن حقه.. و آمل أن يأتي يوم يكون فيه كل الشعب هكذا… فكما قال الكواكبي “لو رأى الظالم على جنب المظلوم سيفا لما أقدم على الظلم” … و مقابله باللهجة العامية المثل الشائع:”يا فرعون مين فرعنك؟ مالقيت مين يردني”…

    فليقوموا و ليستفيقوا.. فالحق يحتاج لمطالبين به… و شكرا لك على مطالبتك به

    تحية

  2. MAJD SYRIA Says:

    الحمد لله على سلامة أختك
    و إنشالله تصير أنت أب عن قريب
    بس سؤال
    أنت عنجد دكتور و محامي
    لأنو مو مبين عليك العمر


  3. موضوع شيق يا أخي,
    بمصر متل سوريا ما في فرق, ولي قصة مشابه بس كانت مع آمين شرطة🙂

    والله هدول يا أخي أشخاص يستمدون قوتهم من مراكزهم أو بدلتهم ولكنهم في الحقيقة خوافين كتير🙂

    شكرا مرة أخرى, واللغة العامية في هذا الحوار أحلي بكتير🙂

    تحياتي

  4. rana Says:

    تصرف بيفش الخلق , يعني احسن من شغلة الرشوة ..
    البعض بيرشي شي موظف و بيقلو انت استلم القصة

    ان شاءالله تكون زبطت الوراق ومشي الحال بالنهاية وهالتعصيب جاب نيتجة
    و ان شاءالله تقوم بالسلامة اختك
    تحية

  5. smilefirst Says:

    يا عمي مش كل الناس الدكتور المحامي فلان الفلاني ليقدروا يعملو عملتك ..
    لو كان فلان الفلاني لحاله بدون اللي قبلها كان كحشة المدير و مارضي يسمع منه ولا كلمه ..

    بس اكيد شعورك حلو .. و فرصه هالحدث يتناقل لولد الولد لإنه مش مين ما كان بيعمله …
    و حمد الله عسلامت اختك ؟؟


  6. أحيانًا يخطر على بال البعض المطالبة بسماواة المرأة والرجل🙂


  7. هو للأسف أغلبهم هيك .. بفكروا حالهن إذا قعدوا ورا الكراسي صاروا شغلة كبيرة .. وبالفعل بدن واحد يورجيهم أديش قيمتهم .. وشو مكانتهم حتى ما يطلعوا وينزلوا كثير ..

    تصرف حلو ويمكن لو كان شخص عادي عمل هيك كان صار بخبر كان هو ومعاملتو .. بس كلمة “الدكتور المحامي” لحالها بتخلي الشغلة تمشي .. بتعرف جاي على بالي وين ما رحت قولن أنا “الدكتور المحامي” قولتك ببين عليّ ..🙂

  8. max13 Says:

    syriangavroche
    ~~~~~~~~~~
    كلامك بالفعل صحيح مئة بالمئة شكرا لدعمك واتمنى لك دوام التواصل سررت بمعرفتك

    مجد سوريا
    ~~~~~~~
    صديقي العزيز أنا عم بختص دكتواره بالتأمين بعد ما حصلت شهادة الحقوق وماجستير بالمعاملات الدولية وادارة اللوجستيات يعني وصدقني عنجد مو مبين عليي شكلي على ما يبدو بيعطي اصغر من عمري علما اني ما ني كتير كبير أنا عمري 28 سنه

    أحمد نذير بكداش
    ~~~~~~~~~~
    أخي العزيز يعني فعلا متل ما قلت لما بيشوفوا انو في مين بيوقف بوجهن بيخافوا الشغلة بدها ثقة بالنفس مو اكتر مع اني ما اتوقعت انو يطلع مني هيك بس ما بعرف ليش عصبت وفار دمي من هالاجتماع الوهمي لمدير حابب ينطر عباد الله كلها والدنيا صيام

    رنا
    ~~~~
    اكيد أحسن من الرشوة واسرع كمان اذا بدك وهي شغلة مو كل يوم رح اعملها بس بيجوز عصبيتي جابت نتيجة هالمرة
    تسلمي ما بتعرفي فرحتي باني رح صير خال يعني بيجي وقت وبحكي عالموضوع شكرا لمشاعرك الطيبة

    smilefirst
    ~~~~~~
    بدك الصراحة هي النقاش لازم ينطرح بشكل اعمق وأكتر توسع انو لو ما قلتولوا الدكتور المحامي ما كان رضي … فيني إلك كلامك صحيح علما أنو أنا شخصيا كان عندي من شي سبع سنين تجربة أخرى لنتحلت فيها صفة اني فلان الفلاني علما اني ما استعملت غير اسمي بس بشكل سريع وقوي فعطى انطباع اني شي شغلة ومرقت ومشي الموضوع
    بتوقع انو الحالة النفسية للموظف والثقة الزائدة بالنفس هي مكمن الحل
    طبعا هالحدث رح يضل ذكرى وقصة بتنروى لبعدين
    والله يسلمك على موضوع اختي
    دمت بخير

    Ahmad.M.G
    ~~~~~~~~
    يعني أنا من زمان واصل لفكرة انو لازم نحنا الشباب نطالب بالمساواة مع البنات مو العكس

    مستر بلوند
    ~~~~~~~~
    طبعا وهذي هي مشكلة المدير ببلدنا يعني هوي بيقعد بيفكر حالوا صار صاحب مزرعة وكلشي فيها أو ممكن يتعامل معها بيصيروا بنظروا جاج ونعاج
    يعني الله يعين البلد على هيك شخصيات معقدة بيجوز لازمنا متل فرنسا مدرسة اعداد كوادر ادارية ما بعرف اذا الفكرة بتزبط ؟
    دمت بخير🙂


  9. موضوع جميل🙂

    يا ريت لو الكل يكون مثلك .

    بيقولوا عندنا في مصر ” المال السايب يعلم السرقة ” هو مش منطبق اوي هنا انما يمشي من حيث الهدف فالمدير ده اصلا مفيش رقيب عليه وهو مش رقيب على نفسه وناسي انه ربنا شايفه ,,, عموما الوظايف الادارية عندنا في مصر كلها نفس الحكاية ,,, احيانا بحس انهم قاصدين ينقوا ارخم واتنح ناس في البلد ويشغلوهم مدراء😦

    تحياتي لك
    ~~~~~~~~~~~~~~~~
    هو كده لو المال السايب بيعلم السرقة … والوظايف دي هي ما نعنيه بمصير عربي مشترك ؟!
    شكرا لمرورك


  10. ماضاع حق وراءه مطالب
    وما نيل المطالب بالتمنى إنما تأخذ الدنيا غلابا

    هذا ما جاء على ذهنى بعدما قرأت غزوتك مع مدير التربية والتعليم
    وعموماً أخى إن شاء الله قريباً نهنئك بقدوم المولود الجديد ياخالوووو
    ~~~~~~~~~~~
    أخ محمد تسلم على تعاطفك وفعلا الحياة تحتاج لمن يقف صلبا في وجه قساتها لينا مع البائسين فيها

    دمت بخير

  11. MAJD SYRIA Says:

    شكرا لك
    و إنشالله بارك لك عن قريب بحصولك لشهادة الدكتوراة
    و على فكرة بنت عمتي محامية بالشام يعني زميلتك
    ~~~~~~~~~~~~~~
    بالنسبة لفرعنا بالجامعة الطاسة ضايعة يعني بزمني عدد الطلاب بسنتي بس كانوا خمس آلاف طالب ؟ هاد سنة رابعة شيلك عن السنة الأولى الي كانوا حوالي تسعة آلاف
    المهم بالنتيجة ماحدا بيعرف حدا بكليتي
    أما بالنسبة للنقابة فحدث ولا حرج

    وشكرا لاهتمامك

  12. salam Says:

    شي مؤسف هالأساليب التعامل مع المواطن.

    مبروك القادم الجديد عالعيلة و تروح و ترجع أمك بالسلامة .
    ~~~~~~~~~~~~~~~~~~~~~~~~~~~~~~~~~~~~~~~~~
    شكرا لك ودمت بخير🙂

  13. totobily Says:

    ابتعرف انت قدوة لكل شباب هالجيل
    رائع الله يحميك ويوفقك بكل خطوة بحياتك يا استاذ محمد
    ~~~~~~~~~~~~~~~~~

    دمت بخير🙂

  14. ميساء Says:

    آاااه يشبه الوضع عندنا بالتفاصيل المملة :p

    أعاننا الله أخي🙂

    يا رب ترجع الوالدة بـ السلامة ..

    مدونة لطيفة .. وَ سأزورها دوماً ..
    ~~~~~~~
    بالفعل أعاننا الله وشكرا لمشاعرك الطيبة
    وبتشرفي المدونة
    أهلا بك

  15. Emad Says:

    والله انك ما قصرت
    بالفعل برافو عليك
    يعني لايمتى بدنا نضل هيك ما بعرف يعني اذا شي حدا صار مسؤول بيحسب حاله صار اله وما حدا بيقدر يحكي معه
    ~~~~~~~~~~~~~~

    كل الحق معك على كل انت كيف وينك صرلنا زمان ما شفنالك شي طمنا عنك


  16. السلام عليكم و رحمة الله و بركاته …
    كيفك خالو محمد ؟ والله اعذرني على التأخير .. أنا آسفة جدا …
    مبروك على الوافد الجديد … إن شاء الله يوصل بألف سلامة و يكون قرة أعين والديه .. و عقبال أولادك بإذن الله .. و ماتنساش تطمنا لما يشرف الصغير🙂
    مش عارفة ليه باشعر إن الشعوب العربية أول من ابتكر البيروقراطية و سوء إستغلال السلطة … لأ مش سلطة دي سلاطة ..
    و لو لقدر الله .. لقدر الله .. قاموا بخدمة الشعب يشترط التنفيذ بغباء .. عندك حق .. نحن نتصرف كالخراف المذعورة من أي شيء و كل شيء .. لا محاولات من أجل شيء أو حتى لا شيء … أحييك على موقفك أخي …
    خالص تقديري و احترامي😀

    ~~~~~~~~~~~~~~~~~~~~~~~~~~~~~
    الله يبارك فيكي
    وهي بالفعل أول من ابتكر البيروقراطية والملل والكدر الوظيفي
    نحتاج لمعادلة أخرى تغير واقعنا الخدماتي………
    اهلا بك ودمت بخير 🙂

  17. تلف Says:

    أمة تعشق المركزية في كل شي

    حتى ولو كان على حساب المواطن

    عجبي

    مدونتك ثرية وتشرفت بها

    ~~~~~~~~~~~~~~~~~~~~~~~~
    أهلا بك نورت المدونة بوجودك

  18. genin Says:

    دكتور ومحامي كيف زبطو معك هول الاثنين
    يا سيدي مبروك لاختك وانك صرت خال بس لو كنت محلك كنت قلت انا العبد الفقير الملعون اخته مشيلي المعامله يا..
    بس اذا البنات حلوين فمعو حق.
    لستحوا ماتوا ماتوا

    ~~~~~~~~~~~~~~~~~~~~
    زبطوا بس الله يبارك فيكي
    يعني بيجوز معك حق لز انو نحنا بالسنغال أو الموزمبيق بس بسوريا لتمشي امورك لازم تكون أد حالك يعني هي العبد الفقير بتنتهي فيني برا بكل بساطة علما أني افتخر بأني العبد الفقير لله محمد

  19. علوش Says:

    لك أهلين بالخال والله.
    واهلين دكتور، تشرفنا والله.


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: